+ به يه ن
مصدق‌جنابلاري‌نين،لاهه محكمه‌سينده ائتديك‌لري حاقدا،توپلومدا فرقلي سؤيله‌نتي‌لر و سؤزصؤحبت‌لر يارانيب! دوغروسو،سؤزه ايپ باغلاييب اويناديرلار؛دوغرو يوخسا يالاني قارانليغا بورويورلر!
مصدق حاققيندا سؤيله‌نتي لرين بيريسي آشاغي داكي شكيل‌دير:
سؤيله‌نتي اؤرنه‌يي:
"لاهه سونوجو ايران نفعينه بللنديكدن سونرا؛ مصدق؛ انگيليس تمثيل‌چي‌سينه قهقه‌لي گؤلوش ائتدي!"
مصدق جنابلاري ، بير يوكسك ديپلومات اولاراق؛ بئلنچي داورانيشي،بير رسمي محكمه‌ده ؛عاقيل‌دان اوزاق گؤرسه‌نير!
گئرچك!
يو شكيل‌ده مصدق جنابلاري؛ بيرلشميش ميللت‌لرين مقررينده؛ ارنست گوارا ايله بير دوستانه جلسه‌ده ديرلر! و بو شكيل، لاهه محكمه سينه باغلي دئييل!(قايناق - قايناق)
قايناق: بو يازي گمانه سيته سيندن،آذربايجان توركجه‌سينه چئوريليب.
گؤنده ر
بؤلوم لر:
+ به يه ن
و بللي دئييل، سؤيله‌نتي يايانلارين، 100ايل‌ليك مهلت‌ين بيتيشيندن؛سؤز آچماقدان؛ آماج‌لاري نه‌دير!!
ايكينجي؛توركمن‌چاي مقاويله‌سي،1828 ده باغلانيب! يعني 184 ايل اؤنجه!!! 100ايل‌ليك مهلت‌ده اولسايدي(كي يوخدور)يئنه 84 ايل اؤنجه،گرك سونا چاتاردي!
بو يازي،گمانه سيته‌سيندن؛آذربايجان توركجه‌سينه چئوريليب.
گؤنده ر
بؤلوم لر:
+ به يه ن
دوكتور حسابي‌نين ،انيشتين ايله بيرليكده چكيلميش شكيل‌لي يوخدور!!
هردن ، انيشتيننين باشقا اينسانلار ايله چكميش شكيل‌لري اينترنت ده يايينلانير و ايدعا اولونور بو شخص "دوكتور حسابي" دير!اما بو سؤيله‌نتي لره ،سون قويماق اوچون،دئمه لي‌دير؛"دوكتور حسابي" و انيشتين بيرليكده هئچ شكيل چكمه ييب لر! البته بير گون بو قونودا شكيل تاپيلسادا،دوغرو يوخسا يالاني، اوزمان لار طرفيندن بللنمه‌لي‌دير.
بورايا دك اوچ شكيل،توپلومدا سؤيله نتي‌لرين يايينلانماغينا مئيدان وئريب؛بو اوچ شكيل لردن بيريسي؛اوتريش‌لي، رياضي‌چي فيلسوف، "كورت گودل" (1906دوغوملو؛ برنو شهرينده؛اؤلوم،امريكانين نيوجرسي ايالتينده) جنابلارينا باغلي دير.بو گؤرونتو "كورت گودل" و انيشتيننين چيكلميش شكيلي دير.
اؤرنك سؤيله نتي :بوشكيل،"پروفسور حسابي دركنار انيشتين" باشليغيلا "جهان نيوز" سيته سينده،يايينلانيب!
آشاغي داكي شكيل ايسه ،پايلاشيم سيته لرده دوكتور حسابي يه عاييد ائديلينيب‌دير:
بوشكيل ده "بهرام كورشون اوغلو "(1922دوغوملو،تورك فيزيك‌چي)،انيشتيننين كناريندا گؤرونور! و دوكتور حسابي جنابلارينا عاييد دئييل!!
بير باشقا شكيل، انيشتين و كورت گودل(آلمانجا: Kurt Gödel)جنابلاريندان .
بو شكيل، سانال(مجازي) دونياسيندا ،دوكتور حسابي جنابلارينا باغلي و عاييد بيلديريلينيب دير.
دوكتور حسابي‌نين اؤز اوغلو ايسه بو شكيلي رد ائله ييب و دوكتور حسابي جنابلارينا باغلي اولماماغين بيلديريب!
بو يازقي،گمانه سيته سيندن ،توركجه يه چئوريليب.
گؤنده ر
بؤلوم لر:
+ به يه ن
10ريشترليك دئپرم و سؤيله‌نتي‌‌لرين دولانيشي!
10ريشترليك دئپرم،اورتا دوغودا اوز وئره‌جك!!!سؤيله‌نتي و يانليش خبرين دولانيشي،خبر آژانس‌لاريندا !
بو سؤيله‌نتي،نه جور ياراندي!
الوطن سيته‌سي بير گوزاريش‌ده بيلديردي:پايلاشيم سيته‌لره داياناراق، بير شايعه يايينلانيب: 10 ريشترليك دئپرم اورتا‌دوغودا مئيدانا گله جك .
الوطن سيته‌سي،بو اولايي، بير سؤيله‌نتي،بيلديرير! اما ايران‌نين آژانس خبرلري، آزي گوگل چئويرمه‌يه‌ده قوللانمادان،بو سؤيله‌نتي اينانيب، قول قانات وئريب و جامعه‌ده يايينلايب‌لار!
ايلنا بير گوزاريش‌ده يازدي:آمريكادا يايينلانان الوطن قزئتي،آمريكا اونيورسيته‌سين دئپرم آراشديرما مركزينه داياناراق؛اورتا دوغودا 10 ريشترليك دئپرم‌ين گؤزله‌نتي‌سين‌دن خبر وئريب!!
بو يانليش خبر،باشقا خبر آژانس‌لارا دا يئتيشه‌رك (خبرآنلاين)؛سؤيله‌نتي‌نين دولانيشينا يارديم اولوب‌لار!!
آرتيرمالي‌دير؛آمريكا اونيورسيته‌سي دئپرم آراشديرما مركزي،بو قونودا بئلنچي گؤزلنتي‌سي هئچ اولماييب!
سوندا بو سؤيله‌نتي ،بير خبر اولاراق! قزئته‌لردن باش چيخاردي!
پايلاشيم سيته لرده يارانان سؤيله‌نتي،يئني‌دن، آدليم خبر آژانس‌لارا داياناراق؛ داها گوج‌له پايلاشيم سيته لره دؤندو!
البته ايسنا خبر آژانسي،دوكتور زارعي‌نين سؤزلرينه داياناراق؛بو سؤيله‌نتي‌ني رد ائتدي
قايناق: گمانه،سيته سيندن،آذربايجان‌توركجه‌سينه چئوريليب!
گؤنده ر
بؤلوم لر:
+ به يه ن
آي كيو( IQ) و يا ذكا قات‌سايي‌سي(ضريب هوشي)، بير اينسان‌نين ذكا و هوش اؤلچومون بير عدد اولاراق بللنديرير.بو اؤلچوم فرقلي تئست لر له،بلله‌نير و بير ثابيت عدده يئتيشر . ذكاقات‌سايي‌سي ،اينسان‌لارين 95فايزينده،70 ايله130 دور.
مودتلردي،سانال(مجازي) دونياسيندا؛ايرانلي‌لارين يوخاري آي كيوسوندان( IQ)سؤز گئدير! اما دوغرو قايناق‌لار بونون ترسين گؤسته‌رير! قايناق‌لارا اساس،ايرانلي‌لار،بير اورتالاما آي كيويا صاحيب‌ديرلر .
البته هئچ موسسه و يا درنك،رسمي اولاراق،ايران جامعه سيندن،آي كيو تئستي آلماييب! اما باشقا اؤلكه لرين آراشديرمالاري،دوغو آسيانين ساكين‌لرين، ان يوخاري آي كيو و افريقانين مركزي، ان آز آي كيويا صاحيب اولماغين گؤسته‌رير. ايرانلي‌لار 84 ذكاقات‌سايي‌‌سيلا دونيادا بير اورتالاما آي كيويا صاحيب ديرلر.
بير سيرا آراشديرچي‌لار، ايران‌نين آي كيو قات‌سايي‌سين (IQ) آزالماغين اينانيرلار و بو گئري له مه‌ني (كاهش) ،بئيين كؤچونه (فرار مغزها) باغلي بيلرلر.
قايناق‌لار:
قايناق:گمانه سيته سيندن؛آذربايجان توركجه‌سينه چئوريليب!
گؤنده ر
بؤلوم لر:
+ به يه ن
19ياشلي ايرانلي قيزين ،اوستادليق كورسوسون، اله گتيرمه‌يين سؤزصوحبتي هر يئرده دينله نيلينير!
سؤيله نتي‌ني (شايعه ني) اوخوياق:(فيس بوك اؤرنه يي)
" عاليه صبور"،19 ياشلي ايرانلي-آمريكالي گنج قيز،بيليم يوردونون اوستادليق كورسوسون اله گتيردي؛بئله ليك له بو 19ياشلي ايرانلي قيز ،دونيانين ان گنج اوستادي اولاراق؛ آدين گينس كيتابيندا ثبت ائله دي!
پايلاش! ايرانليغيوي دونيايا گؤسته ر!هموطن!
اما گئرچك!!
بو خانيم قيزين ،آدي تام يازقي وقايناق لاردا،Alia Sabur ذكر اولونوب! و فارسجا اوخونوشو ويازيليشي،"آليا سابور" اولور!
"آليا سابور"،1989نجو ايلده نيويورك دا، آنادان اولوب و دوغوردان،19 ياشيندا ،گؤنئي كوره‌نين بيليم يوردوسوندان اوستادليغا صاحيب اولوب.
آليا سابور، اؤز سيته سينده، ايراندان ويا اؤزونون ياري ايرانلي اولماغيندا هئچ سؤز آچماييب!!
بو سؤيله‌نتي،عرب لرين پايلاشيم سيته لرينده ايسه گؤرونو!اما اونون دا هئچ دوغرو قايناغي يوخدور!
آرتيرمالي دير؛بو 19ياشلي قيزين،آناسين آدي،"جوليا "و آتاسين آدي،"مارك" دير؛ بو قيزين ،ايرانلي اولماماغي ،آتا آناسين آدلاريندان ايسه ،بللي دير!
گؤنده ر
بؤلوم لر:
+ به يه ن
بوشكيل ،دفعه لرله،توپلومسال سيته لرده ، فرقلي باشليقلارلا يايينلانيب:
"-اوشاق ايستيثمارينا، قارشي چيخانلار، بگه نسينلر(لايك ائله سين لر)
- بئله‌نچي ،ييرتيجي آتا آنانين ،ال قولو،قلم اولسون
-ايشسيز ايله معتاد دده، اوشاغين،كوتك له يارالادي"
اما گئرچك!
بو اوچ ياشلي قيزين آدي «كيتي Katie» دير،كيتي،اوشاق باغچاسين ايلنجه زنگينده،ايكي ياشلي يولداشيندان كؤتك يئييب وتاپدالانيب!
كيتي،آمريكانين ،لايسسرشهرينده ياشايير؛"ديلي ميل "سيته سينده،بو خبري گؤره بيلرسينيز!
قايناق:بو يازي گمانه سيته‌سيندن،آذربايجان توركجه‌سينه چئوريليب
گؤنده ر
بؤلوم لر: